色可宜紫

Quo-Quo 最鍾意紫色，由其係深紫色。LC 嘅 Cassis 就最啱 Quo-Quo 心意嘞。

但世事又點會咁盡如人意呀?!?!  你鍾意咩?  就偏唔畀你!  Quo-Quo 一路都買唔到一個合心水嘅紫色煲。既然無緣份、買唔到就算!  慳返!

點知硬係咁玩嘢㗎噃!  無煲你買，但就有杯喎。杯好呀… 每日都要飲嘢㗎嘛，用得仲多啦!  哈哈~~~

哩個之前介紹過，九月開倉時買嘅。

開倉

近排真係好唔得閒 (同懶)，無心記寫 blog。

上篇提過嘅 Le Creuset Private Sale (俗稱開倉)，Quo-Quo 尾二嗰日先得閒去 (實情係 E 先生嗰日先得閒幫忙湊女，Quo-Quo 先有得去。) 朝早送完明珠小姐返學就搭車出去銅鑼灣，大約 9:20 到。遠遠已經見到條隊開始行，應該係放第一批人入酒店裡面嘅 waiting area。Quo-Quo 晌外面排到差不多 11:00 就入到個 waiting area，再多一個鐘就入到會場。其實都唔算辛苦，晌外面大部份時間都有得坐又唔洗曬 (仲有些少風添)，只係企咗大概 4-5 個字。

LC Private Sale 2013

相信有登記 HK LC 電郵嘅 blogmates/groupmates 都已經收到 Invitation e-mail 或卡喇。今次又係 Private Sale，有 Invitation 先入得。持卡人可帶 2 位朋友進場 (即係 1 張卡可以 3 個人入去)。

螞蟻搬家

Quo-Quo 晌 Yahoo 個 blog 將會 (慢慢地…) 搬過嚟哩道。

梁九記

經過一班 groupmates 一輪嘅敗家 posts & 美食 posts 後，Quo-Quo 決定就算山長水遠都要入大埔，去梁九記走返轉。

美國安格斯肉眼扒 HK$97.50

加拿大安格斯帶骨牛肉眼 HK$69.50

腐乳炒通菜

Quo-Quo 未買個 Marmite 鍋之前係好少炒菜，因為屋企無炒鑊。用個 wok-pan 炒會兜到出晒界，同唔夠鑊氣成灘水。

今次第一次晌屋企炒通菜，okay 喎，原來唔太難㗎。

儲值票

大家記唔記得哩啲地鐵儲值票呀?

梅子骨

梅子醃好，急不及待用嚟煮餸。

忙? 忘?

近日真係有啲忙，有啲忽略咗個 blog 添。

忙乜嘢?  師奶有乜嘢好忙呀?  咪忙個女開學啲嘢囉!

雖然明珠小姐只係開始讀 K1，但都要同佢預備校服、書包同啲小物品。

咁多嘢，啲嘢又多數一式一樣，驚啲小朋友撈亂同唔見，要全部都寫名。

布甸 & 奶凍

Quo-Quo 見明珠小姐好似對布甸同奶凍有啲興趣，就試吓自己整啦。





第一次做咗個「抹茶牛奶布甸」

蕎麥冷麵

係呀!  Quo-Quo 又整冷麵呀!  熱呀嘛!

唔想開爐但點都要食㗎。正一大嘅唔食，細嘅都要食呀。

梅子汁

 

清明前後係青梅當造嘅時節，HK$8-12 就有一磅。有啲人會用清酒 & 糖浸 1 年，釀梅酒。
Quo-Quo 就用糖醃做梅子汁，可以醃肉、煮餸，或加梳打水做梅子梳打。

 

 

一磅青梅，洗淨風乾。用竹籤挑去 '丁'，
再晌青梅皮 '吉' 幾個窿，方便梅汁流出。

南小館

晌 Hysan 12 樓嘅南小館算係新派上海菜。

我哋等位時已經寫好單點餸，因為今次晏咗到，所以要等。

(Quo-Quo 家平時盡量早食飯避開繁忙時間，唔洗等同趕還檯，招待又好啲。)

Picture Apps

Quo-Quo 好多時都會影低啲「自家料理」，一來留個 record，二來會 upload 上 FB 同 blog。

哩排好無聊咁 download 咗個 picture app 同啲相加工。

燒金沙骨

金釵斛茶

Quo-Quo 家晌哩啲天氣下，每個星期都會煲 1 煲湯同 1 煲涼茶。

因為我哋哩 2 大 1 細都係熱底，香港啲水 (東江水) 又熱，飲湯水、涼茶清熱消暑少不免啦。
 

今次試吓哩隻現成金釵斛茶包。味道唔錯，唔會好重藥材味。

消暑

噚日 33°C ，酷熱天氣警告生效。立秋都過咗啦，但一丁點秋意都感覺唔到呀。

咁鬼熱，完全唔想留晌廚房。

噚晚得 Quo-Quo 同明珠小姐兩個食，下晝整定個 Tuna Pasta Salad 雪凍佢，涼晒!

Tuna Pasta Salad

消夜小食

噚晚 E 先生開會開到頗夜。當佢晌客戶嘅 office 走嘅途中見到有哩個賣。

E 先生買完上的士時 whatsapp Quo-Quo 話買咗好嘢。好嘢?  有無 Quo-Quo 個缽仔糕咁好先?!?!

糖蔥薄餅

泰式魚餅

跟 samwei 做泰式魚餅，做法都好簡單。

燒鹽麴羊架

前日見肉舖有 1 pack 4 件羊架，好耐無食過羊，就買返嚟試吓先。

肉質唔錯，下次見到可以再買。

生日快樂

前日係明珠小姐嘅 3 歲生日!

蒲頭

Quo-Quo 失蹤咗成個星期，去咗邊呢?

無去到邊呀，係個電腦死咗咋!!!

書展

今年明珠小姐晌書展嘅收穫相當豐富，有 24 本。
Quo-Quo 都買到 1 本 (左上角) 「好吃鬼煮意」。
本來仲有兩本書想買，但行咗成個鐘都搵唔到。最終上咗博客來個網站訂。

花旗參螺片豬展湯

Quo-Quo 近日瞓得比較差，有虛火上升嘅跡象 (生飛滋!)，煲返個滋陰潤燥嘅湯先。

大戶屋 Ootoya

大戶屋做嘅菜式屬於家庭式料理，菜式比較清淡，唔似一般街外食到嘅咁多醬多油。

醬油麴池魚 & 花鯖魚定食 (HK$100)

Gundam @ Times Square, CWB

行過 Times Square 忽然見到兩架巨型機械人晌道對峙!!!

高達 RX-78

鹽焗雞

事原 Quo-Quo 晌 Sogo Thankful Week 幫 Quo-Quo 媽買咗個 LC 煲，HK LC 每逢買滿 HK$1000 就可以報名上佢哋嘅 cooking class (3 週年週年慶要買滿 HK$3000)。Quo-Quo 就報咗 7 月份上堂，哩個月中級班係學整「東江古法鹽焗雞」。

老表間的集體回憶

有日，Quo-Quo 出銅鑼灣剪頭髮。晌地鐵 (係!  Quo-Quo 仲係叫佢地鐵，改唔到口叫港鐵。)  無無聊聊 check facebook 時，見到阿妹 tag 咗 Quo-Quo 同一班老表。

(心諗)  無啦啦 tag 晒我哋搞乜鬼呀?!?! 

原來佢買咗隻缽仔糕!

火

今年啲荔枝同龍眼非常之靚。

但一粒荔枝三把火，縱使 Quo-Quo 好鍾意食，都唔可以食得多，會頭痛同生痱滋㗎。

就算即刻食山竹都清唔切。

腐乳蒸雞 (無水蒸煮)

跟鬼嫁嘅腐乳雞翼做。

但 Quo-Quo 家已經好少食雞翼，所以整腐乳蒸全雞。賣相無雞翼咁靚，但味道一樣咁正!

買雜誌

自從上網都可以睇雜誌之後，Quo-Quo 已經好少買雜誌嚟睇。

但今次見日本版 Ella à Table 送 LC 地墊，就即刻去賣日本雜誌嘅地方搵。

有咁靚嘅地墊送，銷量一定好啦!

無貨!

Quo-Quo 請店舖幫忙訂貨，等咗兩個星期終於到手啦!

Yay~~~ 好 cute 呀!

Piece of Peace

"今次的「Piece of Peace」世界遺產樂高®展是首次在日本以外展出。透過運用樂高將全球 40 個世界遺產呈現眼前，希望藉此宣揚世界和平。是次展覽中的展品均由日本及香港首屈一指的樂高達人精心製作，匠心獨運，每件展品獨特之處，令人大開眼界。展覽將於七月五日至三十一日在太古城中心展出。"
-- http://www.pofp.jp/world_tour/

(Quo-Quo 去到先發現電話無乜電，只可以影底部份展品。)

DIY 雪糕

晌 Muji 見到包蕃薯味嘅雪糕 mix，買咗嚟試吓。

只係需要哩幾樣嘢就得，超簡單!

鹽麴酒香雞 (無水蒸煮)

鹽麴 -- 哩排好 hit 嘅調味料，有「萬能調味料」之稱。

CC 叔婆嘅行政總廚 Charmine Cheung 都有晌 Cosmopolitan 雜誌寫過編專欄關於鹽麴。

Quo-Quo 貪得意買咗一包嚟試吓。

調味料架

前排 Quo-Quo 發現本身嗰個調味架同兩個膠籃開始有啲逼爆嘅情況，要諗辦法處理吓佢。

見永安大減價就去巡吓，睇吓有乜嘢啱用。

畀 Quo-Quo 見到哩個架，返屋企度呎後，決定買 4 個。

板長壽司

板長 / 板前壽司開到成行成市，梗有一間晌左近。唔知乜嘢原因，Quo-Quo 家附近嗰兩間啲魚嘅品質同服務質素都好差，但九龍灣德福哩間就從未另我哋失望過。

今次我哋較啱時間嚟食 late lunch，因為板長下午茶時段大部分嘢食都係半價㗎!

(左) 火炙醋鯖魚 x 4 -- 肥美嘅鯖魚火炙咗之後啲魚油非常之香，醋漬咗又唔會太膩。

(右) 平目魚 x 2 -- 好清淡嘅白身魚。

(下) 油甘魚 x 2 (半價版) -- 應該係啲次少少嘅部位因為有筋，但味道都唔差。

垃垃雜雜 -- 食物編 (6 月號)

又嚟垃垃雜雜食物編嘞!

天氣太熱，人太懶。叫 E 先生落街買啲魚生，

Quo-Quo 就煮啲烏冬同刨啲青瓜做冷麵。

大孖醬園

有睇開肥媽嗰套「食平啲」都知道有盆鹽哩樣嘢，個節目仲有去大孖間舖拍外景添。Quo-Quo 都想買啲盆鹽嚟試下，而大孖嘅豉油就想買咗好耐㗎嗱，只係一直無去開觀塘嗰頭。上星期過開去九龍東，可以順路兜埋去買嘞。

嗰朝早食早餐時上咗去 LC 個毒 group 巡咗轉，groupmates 都話打過電話去大孖問，已經無晒盆鹽賣。無得賣都照去啦，橫掂 Quo-Quo 都去開嗰頭，又唔係淨係買盆鹽。

去到大孖，見裡面有幾隻生抽，就問有乜分別。老闆就話，隻「特級生抽」係 cheap 嘢，而隻「古法頭抽」就靚啲。仲有其他生抽嘅，不過成 HK$138 一支，都係試咗哩兩隻平啲嘅先啦。除咗豉油，老闆亦極力推薦隻「豆豉蒜蓉醬」，真係好香!

燒腩仔

雖然用半價嚟買 LC 係好抵，但始終 LC 都唔係平嘢，哩個月要慳啲洗先得嘞。

(通常得個講字，過幾日就無咗迴事。)

E 先生想食燒腩仔，老闆叫到 Quo-Quo 一定照做嘅。但晌街買一斤最少要 HK$80-$100 先有交易，都係自己整實際啲!

排隊

LC 週年慶其間，凡 HKID 有個 "3" 字嘅去 LC 旗艦店都可以買嘢半價。咁 Quo-Quo 就梗係無錯過哩個咁好嘅機會去買恨咗好耐嘅 32cm Marmite 啦。

不過週年慶咁大件事，咁多人會去，又點會咁容易畀 Quo-Quo 買到呀?!?!

Quo-Quo 第一日 (28 號) 下晝 15:00 去到，大概有 3x 人排緊隊。排咗 1 個鐘就有得入，但已經無晒 32cm Marmite。無其他目標，Quo-Quo 空手而回，白白排咗 1 個鐘。

傳聞係每日都會返貨，所有 Quo-Quo 第二朝 (29 號) 10:30 就到，今次排 4x。因為 11:00 先開門，所以今次排得較耐，2 個鐘先入到去。一入去就問有無 Marmite!  答案係… 有!  Yay~~~

但係只係得返 3 個，1 紅 2 橙。本來想要個紅色，因為 Quo-Quo 已經有個橙色嘅 Multifunction Pan。不過個紅色有少少瑕疵，最後都係要咗個橙色。

Mega Box Ikea 一日遊

E 先生放假，我哋趁閒日去 Mega Box 間 Ikea。嗰道有兒童樂園，個波波池都幾大，又有好多 Ikea 玩具，仲有專人陪玩，超正!  每節 45 分鐘，可入 10 個 90-120cm 高嘅小朋友。

去 Hut 食

哩排多咗出街食飯，因為 E 先生要 year end 前清假。咁 Quo-Quo 就乘機煮少啲飯，哈!

今次去咗好耐無去過嘅 Pizza Hut 食。

要咗左邊嗰個 Signature Set for 2  (HK$233)