去 Hut 食

哩排多咗出街食飯，因為 E 先生要 year end 前清假。咁 Quo-Quo 就乘機煮少啲飯，哈!

今次去咗好耐無去過嘅 Pizza Hut 食。

要咗左邊嗰個 Signature Set for 2  (HK$233)

三文魚頭蕃茄豆腐湯

星期日 E 先生同明珠小姐去咗上游泳班時，Quo-Quo 就趁機去超市走返轉。見到個好新鮮嘅三文魚頭，雖然無減價，但都買咗。因為明珠小姐好鍾意上次個蕃茄甘筍三文魚湯。

Le Creuset 週年慶

為慶祝 Le Creuset 中環旗艦店開業 3 週年了，現凡持有香港身份証號碼有 "3" 字的顧客親臨到 Le Creuset 旗艦店並出示有效身份証正本，即可以半價優惠購買全場貨品*!

稻庭烏冬鍋物

星期日約咗 E 先生晌 Sydney 住嘅表妹仲有佢個女食飯。為咗就住晌九龍嘅表妹，我哋揀咗去圓方。Quo-Quo 同 E 先生都係第二次嚟 Elements 咋，因為佢位置都幾吊腳。但就係因為佢吊腳，所以佢個停車場嘅收費好抵:

每個鐘頭 HK$15

星期一至五，消費滿 HK$180 可免費泊 4 個鐘，滿 HK$400 就 6 個鐘。

星期六、日同公假，消費滿 HK$180 可免費泊 2 個鐘，滿 HK$400 就 4 個鐘。

阿表妹話想食日本嘢，我哋就話不如試吓哩間稻庭啦，有烏冬同鍋食。本來下晝打電話嚟訂枱，但係佢哋話已經 book 滿，叫我哋早啲去 walk-in 喎。咁 Quo-Quo 同 E 先生就 17:45 去到，有位後先打電話叫阿表妹出門口。

我哋叫咗枝豆同燒雞串食住等。

枝豆 (HK$58)

明珠小姐好鍾意哩個枝豆，有得玩又有得食，仲好好營養添。

好毒

Quo-Quo 噚日一開 FB 就見到鬼嫁個 post…

好毒嘅 group!

蒜泥白肉

見到鬼嫁整蒜泥白肉，Quo-Quo 流晒口水好想食。

咁啱屋企有條五花腩，所以急不及待即刻拎出嚟整。

再食 SML

今次我哋又嚟 SML。

因為明珠小姐戒片無耐剛剛學識用洗手間，要比較乾淨同用私家廁板 (或小童坐廁) 先肯去。所以若果出街食飯就要揀有乾淨洗手間或近商場嘅餐廳。

玫瑰豉油雞

父親節我整咗哩個玫瑰豉油雞同 E 先生慶祝。

老人家教落，做節要食雞㗎嘛!

父親節快樂

噚日係父親節，Quo-Quo 兩日前幫明珠小姐晌張白紙道寫咗幾隻字，再叫佢油顏色上去。
朝早一起身就拎畀佢爸爸，講 "Happy Father's Day!"。

兜記

自從佐敦老店新兜記執咗之後，陸陸續續有由聲稱係以前班底開嘅新食店出現。間間都主打燒乳豬，但味道方面 Quo-Quo 就比較鍾意今次嘅兜記。

餐具 -- 有心思，襯晒一 set。

Peach Smoothie 水蜜桃乳酪

有睇開 Quo-Quo 個 blog 嘅 blogmates 大概都知道明珠小姐係一個非一般嘅小朋友。佢唔鍾意食肉、西餐、麵包… 等等、等等。最鍾意食飯、飲中湯、蔬菜同水果。但係佢又唔多喜歡食啲 '淋啫啫' 嘅嘢，蕃茄、芒果、水蜜桃…  既然只係因為口感，而唔關味道事就容易啦。將佢改頭換面，再加啲佢大小姐鍾意嘅嘢落去，搞掂!

團積

壯觀嗎?  好誇張呀呵?

Quo-Quo 屋企 3 日就要用 2L 奶，唔趁平入定啲貨點得呀。

明珠小姐早、午、晚都要飲奶，E 先生每朝杯咖啡又要，有時 Quo-Quo 煮嘢又用啲。哩道 30L，可以用到 45 日，個零月後先至再入貨嘞。

Mongolian Pork 蒙古醬炒肉片

住晌外國嘅 blogmates 都知道，外國有啲中國餐館嘅餸菜，連中國人都未聽過嘅。

例如: Chicken Chop Suey -- 雞肉雜碎，究竟乜嘢嚟㗎?  其實只係雞肉炒雜菜，做乜唔就咁叫 Chicken with Mixed Vegetables 喎。另外 Szechuen sauce，又似回鍋肉，又似川椒雞，但係外國人食嘢辣極有限，邊道似四川菜?!?!  仲有 Fortune Cookies，根本都無哩樣嘢嘅!

泡菜炒豬肉

上篇講到，Quo-Quo 對腳畀成個蚊家族開餐。咬成咁，唔痕就假嘞!  Quo-Quo 抓到對腳差啲變豬蹄 (根本就係對豬腳，有咩分別?!?!)，要食抗敏感藥先至止到痕。食咗藥又暈又眼瞓，唔多願煮飯，求其炒個餸、灼個菜、煲煲飯。兩位先生小姐有得食，Quo-Quo 就走上床瞓個你死我活!

迪欣湖

啱啱過咗嗰個 weekend 成 35°C，真係熱到無朋友!!!

不過陽光普照、天朗氣清，點都好過落雨同'毅'焗嘅。

咁好天，點都要出去同陽光玩遊戲!  我哋去咗超級遠嘅迪欣湖!  (如果唔係要去接機都唔會去到咁遠。)  哩道只得廿零、三十個車位，我哋 10:00 到都有成 10 架車到咗。11:45 走時，已經有兩架車等緊其他車走先入得嘞。如果唔等，都可以泊去迪士尼嗰邊再坐 shuttle 過嚟。

Chicken a la King 白汁雞皇飯

記得以前 Quo-Quo 媽都會用罐頭現成 Chicken a la King 汁煮哩個餸畀 Quo-Quo 食。近日特然諗起哩個餸，好想食!  (唔通掛住 Quo-Quo 媽?!?!  已經個個星期都 skype 囉啵。)  但唔知點解，完全無想過去買罐現成罐頭返嚟，反而係想試吓自己一手一腳，由頭做起。

秋田鐵板燒

好多年無食鐵板燒喇，本來想試吓和三味，但我哋太遲訂枱，無晒位。轉移目標，試吓灣仔間秋田啦。和式嘅裝修，每張鐵板燒枱都用屏風隔開，環境都幾舒適。