消夜小食

噚晚 E 先生開會開到頗夜。當佢晌客戶嘅 office 走嘅途中見到有哩個賣。

E 先生買完上的士時 whatsapp Quo-Quo 話買咗好嘢。好嘢?  有無 Quo-Quo 個缽仔糕咁好先?!?!

糖蔥薄餅

生日快樂

前日係明珠小姐嘅 3 歲生日!

大戶屋 Ootoya

大戶屋做嘅菜式屬於家庭式料理，菜式比較清淡，唔似一般街外食到嘅咁多醬多油。

醬油麴池魚 & 花鯖魚定食 (HK$100)

老表間的集體回憶

有日，Quo-Quo 出銅鑼灣剪頭髮。晌地鐵 (係!  Quo-Quo 仲係叫佢地鐵，改唔到口叫港鐵。)  無無聊聊 check facebook 時，見到阿妹 tag 咗 Quo-Quo 同一班老表。

(心諗)  無啦啦 tag 晒我哋搞乜鬼呀?!?! 

原來佢買咗隻缽仔糕!

火

今年啲荔枝同龍眼非常之靚。

但一粒荔枝三把火，縱使 Quo-Quo 好鍾意食，都唔可以食得多，會頭痛同生痱滋㗎。

就算即刻食山竹都清唔切。

板長壽司

板長 / 板前壽司開到成行成市，梗有一間晌左近。唔知乜嘢原因，Quo-Quo 家附近嗰兩間啲魚嘅品質同服務質素都好差，但九龍灣德福哩間就從未另我哋失望過。

今次我哋較啱時間嚟食 late lunch，因為板長下午茶時段大部分嘢食都係半價㗎!

(左) 火炙醋鯖魚 x 4 -- 肥美嘅鯖魚火炙咗之後啲魚油非常之香，醋漬咗又唔會太膩。

(右) 平目魚 x 2 -- 好清淡嘅白身魚。

(下) 油甘魚 x 2 (半價版) -- 應該係啲次少少嘅部位因為有筋，但味道都唔差。

Mega Box Ikea 一日遊

E 先生放假，我哋趁閒日去 Mega Box 間 Ikea。嗰道有兒童樂園，個波波池都幾大，又有好多 Ikea 玩具，仲有專人陪玩，超正!  每節 45 分鐘，可入 10 個 90-120cm 高嘅小朋友。

去 Hut 食

哩排多咗出街食飯，因為 E 先生要 year end 前清假。咁 Quo-Quo 就乘機煮少啲飯，哈!

今次去咗好耐無去過嘅 Pizza Hut 食。

要咗左邊嗰個 Signature Set for 2  (HK$233)

稻庭烏冬鍋物

星期日約咗 E 先生晌 Sydney 住嘅表妹仲有佢個女食飯。為咗就住晌九龍嘅表妹，我哋揀咗去圓方。Quo-Quo 同 E 先生都係第二次嚟 Elements 咋，因為佢位置都幾吊腳。但就係因為佢吊腳，所以佢個停車場嘅收費好抵:

每個鐘頭 HK$15

星期一至五，消費滿 HK$180 可免費泊 4 個鐘，滿 HK$400 就 6 個鐘。

星期六、日同公假，消費滿 HK$180 可免費泊 2 個鐘，滿 HK$400 就 4 個鐘。

阿表妹話想食日本嘢，我哋就話不如試吓哩間稻庭啦，有烏冬同鍋食。本來下晝打電話嚟訂枱，但係佢哋話已經 book 滿，叫我哋早啲去 walk-in 喎。咁 Quo-Quo 同 E 先生就 17:45 去到，有位後先打電話叫阿表妹出門口。

我哋叫咗枝豆同燒雞串食住等。

枝豆 (HK$58)

明珠小姐好鍾意哩個枝豆，有得玩又有得食，仲好好營養添。

再食 SML

今次我哋又嚟 SML。

因為明珠小姐戒片無耐剛剛學識用洗手間，要比較乾淨同用私家廁板 (或小童坐廁) 先肯去。所以若果出街食飯就要揀有乾淨洗手間或近商場嘅餐廳。

父親節快樂

噚日係父親節，Quo-Quo 兩日前幫明珠小姐晌張白紙道寫咗幾隻字，再叫佢油顏色上去。
朝早一起身就拎畀佢爸爸，講 "Happy Father's Day!"。

兜記

自從佐敦老店新兜記執咗之後，陸陸續續有由聲稱係以前班底開嘅新食店出現。間間都主打燒乳豬，但味道方面 Quo-Quo 就比較鍾意今次嘅兜記。

餐具 -- 有心思，襯晒一 set。

迪欣湖

啱啱過咗嗰個 weekend 成 35°C，真係熱到無朋友!!!

不過陽光普照、天朗氣清，點都好過落雨同'毅'焗嘅。

咁好天，點都要出去同陽光玩遊戲!  我哋去咗超級遠嘅迪欣湖!  (如果唔係要去接機都唔會去到咁遠。)  哩道只得廿零、三十個車位，我哋 10:00 到都有成 10 架車到咗。11:45 走時，已經有兩架車等緊其他車走先入得嘞。如果唔等，都可以泊去迪士尼嗰邊再坐 shuttle 過嚟。

秋田鐵板燒

好多年無食鐵板燒喇，本來想試吓和三味，但我哋太遲訂枱，無晒位。轉移目標，試吓灣仔間秋田啦。和式嘅裝修，每張鐵板燒枱都用屏風隔開，環境都幾舒適。

Shiok

Shiok 晌 Hysan 嘅 Kitchen Eleven food court 裡面，主打無味精嘅正宗星馬菜。除咗單品，亦有幾款包飲品同油菜嘅套餐，全部都 HK$60 以下，晌銅鑼灣算好 okay 㗎嗱。

海南雞飯餐 (HK$63)

Lab Made - Liquid Nitrogen Ice Cream Laboratory

Lab Made 嘅雪糕係將雪糕漿同配料撈勻，再以極低溫嘅液化氮 (LN₂) 將雪糕快速凝固。佢哋聲稱因為用料全天然，無加人工穩定劑，所以佢哋嘅雪糕會熔得比普通雪糕較快。雪糕嘅口味有 4 款，會每兩個星期轉換口味。

ラーメン来 Ramen Kureha 拉麵來

ラーメン来裡面有好多懷舊玩具、海報嘅佈置，有十零個 bar 檯坐位。
檯上面有芝麻、辣椒醃菜、生蒜頭、昆布醋同黑胡椒，另外仲有水同紙巾提供。

點麵纸 -- 可以自己揀麵嘅軟硬度，湯嘅濃淡度，

加或唔加蔥、蒜蓉同香油。

羅富記

因為要拎返個 LC，所以落咗嚟中環。明珠小姐話想食粥，Quo-Quo 就提意去羅富記喇。

薑蔥撈粗 (HK$26) -- 薑蔥香味不會太嗆，但唔夠油水撈麵。

淨雲吞 (HK$24) -- size 大小適中，雲吞有大地魚香味。

白粥 (HK$14) -- 粥底夠綿，米香濃郁。

SML

上星期 Quo-Quo 出銅鑼灣剪完頭髮後，上咗 Times Square 11/F 嘅 SML 食飯。SML 係 Small / Medium / Large 嘅意思，佢哋所有餐都可以揀大/中/細 size，適合唔同胃口嘅人。叫個 Large 大家 share 又得，貪心嘅 (Quo-Quo) 又可以叫幾個 Small 嚟樣樣試吓。

西班牙風乾火腿

 Jamón (音 Ha-mon) 晌西班牙文係火腿嘅意思。西班牙火腿大多數都唔會煮熟，用鹽醃製、風乾，分前後腿賣，後腿比較肥美。Jamón 的價格係以豬嘅品種、飼養方式、生產地區、部位同火腿嘅醃燻、風乾方法嚟決定級數同價錢，風乾越耐肉味越香濃。醃製方法都幾嚴格，每隻豬腿洗淨後，根據豬種、脂肪分布，嚟決定醃製嘅鹽嘅份量，同風乾嘅時間。體積越大嘅火腿，風乾嘅時間就當然較長，價錢亦較貴啦。基本上火腿可以分為 serrano 同 ibérico 兩類，再跟據品質嘅檔次細分幾個類別。