色可宜紫

Quo-Quo 最鍾意紫色，由其係深紫色。LC 嘅 Cassis 就最啱 Quo-Quo 心意嘞。

但世事又點會咁盡如人意呀?!?!  你鍾意咩?  就偏唔畀你!  Quo-Quo 一路都買唔到一個合心水嘅紫色煲。既然無緣份、買唔到就算!  慳返!

點知硬係咁玩嘢㗎噃!  無煲你買，但就有杯喎。杯好呀… 每日都要飲嘢㗎嘛，用得仲多啦!  哈哈~~~

哩個之前介紹過，九月開倉時買嘅。

開倉

近排真係好唔得閒 (同懶)，無心記寫 blog。

上篇提過嘅 Le Creuset Private Sale (俗稱開倉)，Quo-Quo 尾二嗰日先得閒去 (實情係 E 先生嗰日先得閒幫忙湊女，Quo-Quo 先有得去。) 朝早送完明珠小姐返學就搭車出去銅鑼灣，大約 9:20 到。遠遠已經見到條隊開始行，應該係放第一批人入酒店裡面嘅 waiting area。Quo-Quo 晌外面排到差不多 11:00 就入到個 waiting area，再多一個鐘就入到會場。其實都唔算辛苦，晌外面大部份時間都有得坐又唔洗曬 (仲有些少風添)，只係企咗大概 4-5 個字。

LC Private Sale 2013

相信有登記 HK LC 電郵嘅 blogmates/groupmates 都已經收到 Invitation e-mail 或卡喇。今次又係 Private Sale，有 Invitation 先入得。持卡人可帶 2 位朋友進場 (即係 1 張卡可以 3 個人入去)。

梁九記

經過一班 groupmates 一輪嘅敗家 posts & 美食 posts 後，Quo-Quo 決定就算山長水遠都要入大埔，去梁九記走返轉。

美國安格斯肉眼扒 HK$97.50

加拿大安格斯帶骨牛肉眼 HK$69.50

生日快樂

前日係明珠小姐嘅 3 歲生日!

書展

今年明珠小姐晌書展嘅收穫相當豐富，有 24 本。
Quo-Quo 都買到 1 本 (左上角) 「好吃鬼煮意」。
本來仲有兩本書想買，但行咗成個鐘都搵唔到。最終上咗博客來個網站訂。

買雜誌

自從上網都可以睇雜誌之後，Quo-Quo 已經好少買雜誌嚟睇。

但今次見日本版 Ella à Table 送 LC 地墊，就即刻去賣日本雜誌嘅地方搵。

有咁靚嘅地墊送，銷量一定好啦!

無貨!

Quo-Quo 請店舖幫忙訂貨，等咗兩個星期終於到手啦!

Yay~~~ 好 cute 呀!

調味料架

前排 Quo-Quo 發現本身嗰個調味架同兩個膠籃開始有啲逼爆嘅情況，要諗辦法處理吓佢。

見永安大減價就去巡吓，睇吓有乜嘢啱用。

畀 Quo-Quo 見到哩個架，返屋企度呎後，決定買 4 個。

大孖醬園

有睇開肥媽嗰套「食平啲」都知道有盆鹽哩樣嘢，個節目仲有去大孖間舖拍外景添。Quo-Quo 都想買啲盆鹽嚟試下，而大孖嘅豉油就想買咗好耐㗎嗱，只係一直無去開觀塘嗰頭。上星期過開去九龍東，可以順路兜埋去買嘞。

嗰朝早食早餐時上咗去 LC 個毒 group 巡咗轉，groupmates 都話打過電話去大孖問，已經無晒盆鹽賣。無得賣都照去啦，橫掂 Quo-Quo 都去開嗰頭，又唔係淨係買盆鹽。

去到大孖，見裡面有幾隻生抽，就問有乜分別。老闆就話，隻「特級生抽」係 cheap 嘢，而隻「古法頭抽」就靚啲。仲有其他生抽嘅，不過成 HK$138 一支，都係試咗哩兩隻平啲嘅先啦。除咗豉油，老闆亦極力推薦隻「豆豉蒜蓉醬」，真係好香!

排隊

LC 週年慶其間，凡 HKID 有個 "3" 字嘅去 LC 旗艦店都可以買嘢半價。咁 Quo-Quo 就梗係無錯過哩個咁好嘅機會去買恨咗好耐嘅 32cm Marmite 啦。

不過週年慶咁大件事，咁多人會去，又點會咁容易畀 Quo-Quo 買到呀?!?!

Quo-Quo 第一日 (28 號) 下晝 15:00 去到，大概有 3x 人排緊隊。排咗 1 個鐘就有得入，但已經無晒 32cm Marmite。無其他目標，Quo-Quo 空手而回，白白排咗 1 個鐘。

傳聞係每日都會返貨，所有 Quo-Quo 第二朝 (29 號) 10:30 就到，今次排 4x。因為 11:00 先開門，所以今次排得較耐，2 個鐘先入到去。一入去就問有無 Marmite!  答案係… 有!  Yay~~~

但係只係得返 3 個，1 紅 2 橙。本來想要個紅色，因為 Quo-Quo 已經有個橙色嘅 Multifunction Pan。不過個紅色有少少瑕疵，最後都係要咗個橙色。

Le Creuset 週年慶

為慶祝 Le Creuset 中環旗艦店開業 3 週年了，現凡持有香港身份証號碼有 "3" 字的顧客親臨到 Le Creuset 旗艦店並出示有效身份証正本，即可以半價優惠購買全場貨品*!

買咗新嘢!!!

今次真係買咗新嘢呀!!! 

又買新嘢?!?!

大家估吓 Quo-Quo 晌 Le Creuset 買咗啲乜?

Cast Iron?  Stoneware?  Accessories?

全部都唔係!  Quo-Quo 只係拎返個新嘅 Multifunction Pan 咋。

白底波鞋

明珠小姐九月要開學啦!  大半個月前去學校度身訂校服，老師話要一對白底波鞋晌學校裡面著喎。咁 Quo-Quo 就開始四圍睇吓有乜選擇，原來大多數嘅白底鞋都賣緊 HK$3xx，好貴呀!  之前去英國買四對都無咁貴呀!

係喎!  可以晌英國買喎!  即刻上網睇吓有無白底波鞋減價先。

物價上漲?!?!

Quo-Quo 去完旅行返嚟，發覺自己肥咗好多!  更係啦，淨係食玩瞓，唔做運動，實肥啦!  所以今朝食完早餐，睇埋報紙，就去 gym。出身汗，感覺良好。

之後諗住閒逛完商場就返屋企，點知晌 Muji 買到嘢!

Caramel Popcorn (HK$12)

做完 gym 又買嘢食，肥死!

Gunwharf Quays Outlet, Portsmouth - Day 12

終於講到喇，shopping time!!!

哩個 Gunwharf Quays Outlet 唔算大，但一般 outlet 有o既牌子都有，如 Ralph Lauren、Paul Smith、Nike、Adidas、Gap、Guess…  價錢比起正價當然差一截，不過同大減價時比就差距不大。就連 Le Creuset 都唔例外，原來只係香港賣得比較貴。

Snoopy Small Tote Bag

晌 Uniqlo 買o左個 Snoopy small tote bag，大愛!

用o黎袋我同明珠小姐o既隨身用品去超市或落樓下食飯o岩晒。