金釵斛茶

Quo-Quo 家晌哩啲天氣下，每個星期都會煲 1 煲湯同 1 煲涼茶。

因為我哋哩 2 大 1 細都係熱底，香港啲水 (東江水) 又熱，飲湯水、涼茶清熱消暑少不免啦。
 

今次試吓哩隻現成金釵斛茶包。味道唔錯，唔會好重藥材味。

花旗參螺片豬展湯

Quo-Quo 近日瞓得比較差，有虛火上升嘅跡象 (生飛滋!)，煲返個滋陰潤燥嘅湯先。

三文魚頭蕃茄豆腐湯

星期日 E 先生同明珠小姐去咗上游泳班時，Quo-Quo 就趁機去超市走返轉。見到個好新鮮嘅三文魚頭，雖然無減價，但都買咗。因為明珠小姐好鍾意上次個蕃茄甘筍三文魚湯。

蕃茄甘筍三文魚湯

三文魚骨做特價，HK$30 減至 HK$24，諗都唔諗就擺入車仔。最衰唔係三文魚頭啦，如果唔係個湯會仲甜。哩個湯除咗就咁飲之外，用嚟煮米線都好正。食埋啲蕃茄同甘筍，飽晒!

羅漢果菜乾湯

哩排好多人都患上感冒，Quo-Quo 啲咳就咳極都未清。據 Quo-Quo 了解，如果咳嗽氣喘、痰少而黏、發熱口渴、咽喉乾燥屬風熱。可用羅漢果配白菜乾、無花果煲湯，清肺止咳。希望飲咗會好啦!

粉葛赤小豆薏米湯

返o左o黎將近一個星期，就落足一個星期雨。明珠小姐成日無o黎精神，E 先生同我就肩頸膞痛，都係因為濕重o既緣故。都係時候煲返煲「粉葛赤小豆薏米湯」o黎袪濕，同舒緩肩頸肌肉。

粟米鬚生熟薏米水

尋日晌吉豬島買o左個 "粟米鬚生熟薏米糖冬瓜" 湯包，可以去水腫、利尿、清熱、去濕。

天氣潮濕、悶熱時，我會雪起做凍飲，消暑、解渴一流!

數量	材料	製法
現成湯包一份  2.5 公升	粟米鬚、生熟薏米、 糖冬瓜 水	將粟米鬚沖洗乾淨，生熟薏米浸水 10 分鐘。水滾放入所有材料，水再滾後轉小火煲 1 個鐘 。

菜乾甘筍陳腎湯

天氣又乾燥起o黎，我同 E 先生o既咳仲未清。

買o左 d 菜乾，配甘筍、南北杏、陳鴨腎、無花果煲瘦肉，可清熱、滋陰潤燥、化痰止咳。