板長壽司

板長 / 板前壽司開到成行成市，梗有一間晌左近。唔知乜嘢原因，Quo-Quo 家附近嗰兩間啲魚嘅品質同服務質素都好差，但九龍灣德福哩間就從未另我哋失望過。

今次我哋較啱時間嚟食 late lunch，因為板長下午茶時段大部分嘢食都係半價㗎!

(左) 火炙醋鯖魚 x 4 -- 肥美嘅鯖魚火炙咗之後啲魚油非常之香，醋漬咗又唔會太膩。

(右) 平目魚 x 2 -- 好清淡嘅白身魚。

(下) 油甘魚 x 2 (半價版) -- 應該係啲次少少嘅部位因為有筋，但味道都唔差。

(上) 火炙魚背 x 4 -- 超肥味，入口融化。

(下) 枝豆 -- 好老，唔好食。

三文魚子軍艦 x 2 -- 拆走紫菜做三文魚子飯畀明珠小姐食。

哩個係佢晌壽司店唯一肯食嘅嘢，係佢嘅 favourite!
三文魚子都好多吓，食到一半再加多兩嚿壽司飯都夠餸。

(左上) 海鹽油甘魚 x 2 -- 有海鹽唔洗點豉油，食到魚嘅原味。

(中上 & 左下) 火炙赤睦 x 4 -- 白身魚裡面算好濃味，又有油香。

(中下) 油甘魚 x 2 (原價版) -- 哩兩件個樣靚好多，味道亦好啲同無筋。

(右) 帆立貝 x 4 -- 好新鮮、好 creamy。

唔係專登叫兩個版本嚟比較，係 E 先生唔記得自己一早劃咗兩件半價版，之後見到有油甘魚又再劃過咋。

原條池魚 -- 唔好睇佢細細條，都幾肥幾好肉，係近腩位有啲腥囉。

咁多壽司同一支清酒，食到飽飽買單都係 HK$406，超值!