梅子汁

 

清明前後係青梅當造嘅時節，HK$8-12 就有一磅。有啲人會用清酒 & 糖浸 1 年，釀梅酒。
Quo-Quo 就用糖醃做梅子汁，可以醃肉、煮餸，或加梳打水做梅子梳打。

 

 

一磅青梅，洗淨風乾。用竹籤挑去 '丁'，
再晌青梅皮 '吉' 幾個窿，方便梅汁流出。

放一層糖入已消毒嘅玻璃樽，上面放一層青梅，
再放一層糖。

層層疊疊咁放滿個玻璃樽，最頂層放糖。
襟好蓋後，放晌陰涼地方約三個月就完成。

三日後，梅汁已經開始滲出。
有啲泡泡，應該係發緊酵。

今日已經夠四個月，所有糖都溶晒，可以用喇!