忙? 忘?

近日真係有啲忙，有啲忽略咗個 blog 添。

忙乜嘢?  師奶有乜嘢好忙呀?  咪忙個女開學啲嘢囉!

雖然明珠小姐只係開始讀 K1，但都要同佢預備校服、書包同啲小物品。

咁多嘢，啲嘢又多數一式一樣，驚啲小朋友撈亂同唔見，要全部都寫名。

Labelling?!?!  Quo-Quo 部 Dymo 機又可以出動啦!

買多個 iron-on tape，可以熨啲 label 晌校服、小手巾之類上面。

而家啲 Dymo 機雖然靚咗、啲 tape 又多選擇、又可以打大細草同符號 (有啲仲可以打中文同公仔添!)，但好似無以前 emboss 嗰種好玩。以前 Quo-Quo 家有一部，當時覺得好神奇，想攞嚟玩，不過 Quo-Quo 媽多數都唔比，因為啲 tapes 都幾貴。