雜菌炆雞 (無水蒸煮)

冬菇炆雞就煮得多，雜菌炆雞都係第一次咋。其實都唔算係炆，應該係雜菌無水蒸雞先啱。

明珠小姐唔太鍾意食菇，唔知係個質感定係個味道，總之問親佢都話唔要。但係佢今次食完一啖無話唔要，仲食晒成碗，係一個好o既開始!

數量	材料	製法
450g / 1 磅 2 湯匙 1 湯匙 1/2 茶匙 少許	雞脾肉 生抽 老抽、酒 糖、生粉 胡椒粉	洗淨、切塊，醃雞肉 30 分鐘。
150g 200g	鮮冬菇、秀珍菇 迷你雞脾菇	用軟毛刷刷走沙塵，切細。 白鑊炒菇至熟透，兜起備用。
2 湯匙	蠔油	雞肉連 1 湯匙蠔油一起入鍋加蓋。中火煮 2 分鐘，轉小火煮 5 分鐘，熄火焗 5 分鐘。開火滾起，放入菇，多加 1 湯匙蠔油撈勻，轉小火再煮 3-5 分鐘。
2 茶匙 4 茶匙 少許	粟粉 水 麻油	如有需要可打芡。加點麻油便成。