檸蜜燒雞翼

檸蜜、雞翼，我兩樣都鍾意，加埋一齊會點呢?

晌 Christine's Recipes 見到哩個食譜，好想試… 專登走去買雞翼同檸檬。以我哩 d 咁懶又唔聽話o既人，就更係又改食譜喇!  加加減減，改到啱自己口味同方便自己o既做法。

數量	材料	製法
500 g 2 湯匙 1/2 個 2 小片 少許	雞翼 生抽、蜜糖、檸檬汁 檸檬皮 月桂葉 胡椒粉	洗淨、抹乾，醃雞翼 30 分鐘。 預熱焗爐至 200°C。
1 茶匙	檸檬汁、蜜糖 (撈勻)	雞翼平放焗盆上 (皮向下)，不要重疊。入爐焗 15 分鐘後，掃上檸檬蜜糖汁。將雞翼翻轉另一面 (皮向上)，亦掃上汁。 繼續焗至雞翼完全熟透、表面金黃色。

註:

• 平放晌 glass 或 stoneware 焗盆，唔用錫紙襟住焗都會有汁。

• 用金屬焗盆要用錫紙襟住焗先會有汁。唔用錫紙襟住，用金屬焗盆或金屬架晾起雞翼o黎焗，就會焗出好多油，無咁肥膩，會香脆 d，但無汁。