兜記

自從佐敦老店新兜記執咗之後，陸陸續續有由聲稱係以前班底開嘅新食店出現。間間都主打燒乳豬，但味道方面 Quo-Quo 就比較鍾意今次嘅兜記。

餐具 -- 有心思，襯晒一 set。

麻香海蜇頭 -- 海蜇頭夠爽脆，做前菜等人齊都唔錯。

燻蹄 -- 燻蹄一般。

哩道嘅燒乳豬可以揀舊式斬件上或新派片皮走肥膏，

我哋揀咗片皮走肥膏。皮非常鬆脆，肉亦夠諗又唔會過鹹，超正!

荔芋鴨 -- 哩個餸係 Quo-Quo 點嘅，

好鍾意芋蓉粉粉哋包住鴨一齊食。

啫啫雞煲 -- 爆得夠香，雞肉好滑。

海鮮豆腐煲 -- 一般。

中式牛仔柳 -- 味道唔錯，肉質較韌。

雞蛋焗魚腸 -- 焗到金黃色，蛋無過老，有陳皮同芫茜所以魚腸唔腥。

薑汁芥蘭 -- 有削走芥蘭腳嘅硬皮，爽脆但唔夠薑味。

蒜蓉炒白菜仔 -- 不過不失。

免開瓶費，仲有紅、白酒杯供應，一班劉伶可以盡情咁飲。