秋田鐵板燒

好多年無食鐵板燒喇，本來想試吓和三味，但我哋太遲訂枱，無晒位。轉移目標，試吓灣仔間秋田啦。和式嘅裝修，每張鐵板燒枱都用屏風隔開，環境都幾舒適。

我哋揀咗哩個 set。

沙律 -- 係一般嘅和風麻醬沙律，每樣料都幾新鮮，蕃茄好甜。

原殼鵝肝蒸蛋 -- 黑魚子爽脆 (染黑嘅蟹子?!?!)，蒸蛋

夠滑，有一小粒鵝肝增加香味。

活伊勢龍蝦 -- 龍蝦幾新鮮，啲爪係咁郁。配上牛油、蒜蓉、黑椒同

龍蝦膏煮嘅汁，正!

銀鱈魚柳 -- 煎到兩邊金黃色，非常香脆，但入面又好軟滑。

鵝肝多士 -- 雖然啲鵝肝唔係真係頂級，但都唔太差。塊鵝肝同

多士差唔多厚，個面煎得好香脆。

和牛薄燒 -- 薄和牛包住啲蒜片同蔥花。牛肉入口溶化，

滿口油香。

全晚嘅亮點!  師傅會用飯、蛋、黑魚子、櫻花蝦同蔥花砌公仔。

熊仔 -- 我哋早到，請師傅做個炒飯先，等明珠小姐有嘢食。

豬 & 小丸子 -- 哩兩個係其他同枱食客要求嘅公仔。

秋田炒飯 -- 師傅會用砌完公仔嘅料，加埋煙肉同甘筍嚟炒飯。個飯炒得唔錯，粒粒分明。

炒野菜 -- 簡簡單單嘅椰菜絲、芽菜同甘筍絲炒野菜。

龍蝦清湯 -- 裡面有隻蜆、昆布同豆腐。個味噌湯好清，無龍蝦味，個龍蝦頭只係用嚟做吓樣。

叮噹豆沙包 -- 竟然用個鐵板嚟做燒餅，加啲

紅豆蓉，就變成叮噹豆沙包喇。其實個味道普通。

最後仲有雪糕，但明珠小姐太快手，Quo-Quo 影唔設。

哩道嘅賣點係個炒飯，其他嘢水準一般。