Mega Box Ikea 一日遊

E 先生放假，我哋趁閒日去 Mega Box 間 Ikea。嗰道有兒童樂園，個波波池都幾大，又有好多 Ikea 玩具，仲有專人陪玩，超正!  每節 45 分鐘，可入 10 個 90-120cm 高嘅小朋友。

明珠小姐玩完一節，我哋 '的' 咗佢去食晏。要 '的' 佢因為佢唔肯走呀!    解釋咗畀佢知食飽有得再玩先肯行，幾爛玩呢!  明珠小姐總共玩咗兩節，Quo-Quo 同 E 先生難得有少少 quiet time 一齊行下街。

(上)  兒童餐 (HK$17) -- 芝士腸、粟米粒、茄汁意粉 & 一盒果汁

(下)  鴨胸 & 薯菜 (Hk$29) -- 個鴨胸整到好熟，不過都唔算太韌，味道 okay。

(上)  10 粒肉丸 (HK$19) -- 上次嚟無得食。

(中)  希靈魚子薯仔沙律 (HK$9) -- 味道普通，早知要返 Prawn Cocktail 啦。

(下)  接骨木果汁 (跟兒童餐) -- 好鍾意哩個味。屋企有支哩個 Elderflower Syrup 我用嚟溝 soda water 當氣水飲。