蘿蔔清湯腩

Quo-Quo 同 E 先生好鍾意食牛，但奈何新鮮牛肉晌香港賣得實在有啲貴，唔可以時時食。今次見到有靚嘅牛腩，就當然唔會放過啦!  咁靚嘅牛腩，用嚟煮清湯腩就啱晒喇。清湯腩，顧名思義牛腩只浸晌清湯裏面，配料簡單，無任何深色或濃味嘅醬料，只有牛腩嘅鮮味。

數量	材料	製法
2 磅	牛腩 (坑腩 / 崩砂腩自行配搭)	牛腩洗凈、切條，凍水落牛腩汆水。 用清水沖洗乾淨，瀝乾備用。
7-8 片 2 茶匙 1L	月桂葉 原粒黑胡椒 水	開中大火，水滾後放入所有材料。水再滾起後加蓋，轉小火炆 30 分鐘，熄火焗 30 分鐘。
1 個	白蘿蔔	白蘿蔔洗凈、去皮、切件。 再開火，滾起落白蘿蔔。水再滾起後加蓋，小火炆 30 分鐘，熄火再焗。 (Quo-Quo 此時將清湯腩放過夜。)
適量	鹽	食用前 1 個鐘頭開火，水滾起後隔去多餘油份。落鹽調味加蓋，小火炆 30 分鐘，熄火焗 30 分鐘後便成。

註:

• 重複炆焗會令肉較容易諗。

• 這個可以早一日或早些做好，吃時再加熱，牛肉過夜會更入味。

睇吓撇咗幾多油!