蕃茄木耳炆雞翼

哩排天氣真係好焗，日日都成 30°，又時晴時雨 (前日仲黑雨㖭!)。淨係煲啲薏米水、羅漢果水都唔夠，要煮啲開胃餸先食得落飯呀。如果唔想食飯，可以唔落生粉，煮稀少少做湯麵都得。

數量	材料	製法
2 磅 2 湯匙 1 湯匙 1 茶匙 少許	雞翼 生抽 酒 生粉、糖 胡椒粉	撈勻調味料，醃雞翼 30 分鐘。
10g 4 個	木耳 蕃茄	木耳浸軟切塊。 蕃茄切大件。
3 湯匙 2 湯匙 2 茶匙　　 1 茶匙　 少許	上湯 茄汁 喼汁　 生粉、糖 麻油	鍋中落油，中火略煎雞翼。 撈勻所有調味料，連同木耳、蕃茄一起倒入鍋。滾起加蓋，轉小火煮 10 分鐘，熄火焗 10 分鐘。 如果覺得湯汁比較稀，可以盛起所有材料，留下湯汁，中大火收汁。或可打芡，令湯汁濃稠一點。