韓風吹襲 -- 숙주나물 涼拌芽菜 (Part 2)

哩個涼拌芽菜係參考馬太太個涼拌大豆芽食譜。原來好易做㗎咋!

Quo-Quo 係屋企已經有芽菜先諗起做哩個餸，所以大家可以跟返馬太太個食譜用大豆芽。Quo-Quo 無跟足食譜只用鹽，而係用咗魚露同鹽。亦無加芝麻碎; 一來屋企無芝麻，二來 Quo-Quo 好怪唔鍾意食芝麻 (但又鍾意食用芝麻做嘅嘢… 麻油、麻醬、麻蓉包…)。

數量	材料	製法
半斤	芽菜	芽菜去掉根部、洗淨。 放入大鍋滾水中，蓋上鍋蓋以大火灼 7 分鐘。
1 茶匙 1 湯匙 少許 2 湯匙	魚露、鹽 蒜蓉、蔥粒 胡椒粉 麻油	將已灼好的芽菜瀝乾水份。 拌入蒜蓉，再加魚露、鹽、蔥粒及胡椒粉。 放入雪櫃雪凍，飯前才從雪櫃拿出，加入麻油即可。