鹵水汁

大家都知道，鹵水汁係可以用完再用。Quo-Quo 家嘅鹵水汁已經用咗 6 年!
本來 10 年前已經有一桶，但因為有一次雪櫃壞咗，連裡面嘅食物都壞埋。當然 Quo-Quo 桶鹵水亦不能幸免，要被迫倒咗去，從新再做過一桶。

鹵水料 -- 花椒、八角、桂皮、香葉、丁香、草果、陳皮、甘草等…

放入煲湯袋做鹵水包。(各大超級市場、雜貨鋪有售)

數量	材料	製法
(份量隨意加減，調較自己喜歡嘅口味)	鹵水包、生抽、老抽、薑、冰糖	大火煲滾水，加入所有調味料。 滾 10 分鐘後轉小火滾 5 分鐘就可以用。
		每次用完，隔走渣滓，只留下鹵水汁。大火將鹵水汁滾起、開蓋滾半分鐘後熄火。放涼後入冰格，食用前解凍。

註:
• 開蓋滾因為熄火後蓋上的倒汗水滴落鹵水汁會好容易變壞。

• 鹵水汁會越用越少，及越用越淡。要不時加調味、鹵水料，所以每次用時煲滾後要試味，調較好味道後才開始鹵。

------------------------------------------------------------------------------------------------------
鹵水豬腩肉