Quo-Quo's Lifestyle: April 2013

Tuesday, 30 April 2013

蜜糖黑椒豬排

好耐無煮過哩個汁嘅餸，以前 Quo-Quo 好鍾意用哩個汁嚟煮雞翼。但近年少咗食雞翼，就漸漸連哩個汁都少咗煮。今次買咗豬柳排，瘦咗啲、有啲韌。下次都係買返梅頭扒。

蕃茄甘筍三文魚湯

三文魚骨做特價，HK$30 減至 HK$24，諗都唔諗就擺入車仔。最衰唔係三文魚頭啦，如果唔係個湯會仲甜。哩個湯除咗就咁飲之外，用嚟煮米線都好正。食埋啲蕃茄同甘筍，飽晒!

星期日晚睇 <May 姐有請> 時，有一味「電飯煲焗雞」。好似幾好味，想煮嚟試吓。不過 Quo-Quo 平時好少用個電飯煲，所以收埋咗，又懶得拎出嚟，試吓用個 LC Round Oven 睇吓得唔得啦。煮之前諗，LC 咁鎖水要唔要落少啲酒呢? 不過唔夠酒又驚無酒香。後尾發現個 LC 真係太鎖水，個餸有好多汁，太濕。Quo-Quo 無用全隻雞，用咗雞件，又落得唔夠蔥。下次要試吓用半隻雞同落多啲蔥，再轉另一個煲煮先得。

Quiz - 3 Things You Want in Life

一眼望落去最到先見到嘅 3 個字，就代表你生命中 3 樣最想要嘅嘢!

大家睇到邊 3 個字呢?

Mussels in White Wine Sauce 白酒煮青口

哩個白酒煮青口係參考偽主婦個白酒奶油藍青口食譜。

改動… 就梗有啦，Quo-Quo 屋企無 crème fraîche 改咗用 cream，又買唔到茴香所以加多咗洋蔥同蒜蓉。煮好之後 Quo-Quo 落咗啲意粉嚟索汁。懶人煮飯係唔會徙嘢嘅!

Quo-Quo 上個星期睇電視見到人哋食蠔，挑起咗條筋，日日都同 E 先生講話想食蠔。到大約 5-6 日後 E 先生開始覺得煩 (E 先生 EQ 都算高，咁多日先頂 Quo-Quo 唔順。畀著係 Quo-Quo，第三日就鬧咗 E 先生喇! )。終於問咗佢同事上次去佢屋企食蠔，晌邊間店買。之後畀咗個 website Quo-Quo，叫 Quo-Quo 自己揀食乜。

梅菜肉片煲仔飯

哩個煲仔飯係參考鬼嫁個生薑豚肉煲仔飯食譜。

做法大至上一樣，只係配料唔同。今次用個新嘅 Multifunction Pan。剪綵! 剪綵!

Spaghetti in Salmon Alfredo Sauce 白汁三文魚意粉

之前試過哩隻鹽漬三文魚，味道唔錯、又方便。因為已經有鹹味，所以解凍後就可以用。佢唔算平，同大陸飼養嘅新鮮三文魚差唔多，但哩隻係日本三文魚。今次試吓用哩隻魚做 pasta，仲同個 30cm Buffet 剪綵! 嘻嘻!

鹽漬三文魚 (HK$230/14 件)

一個休閒早上

尋日朝早 E 先生比較得閒，有時間陪我倆食完早餐至返公司。

麥記珍寶套餐 (HK$28.50)

大中華飯店

上個星期我哋約咗 E 先生啲同事去大中華食飯，聽講哩間店啲嘢好得。Quo-Quo 嗰朝早仲去埋 gym 諗住打定個底先，拆餐勁嘅。

中式牛柳絲

最憎 '黃梅天' 㗎嗱! 濕濕笠笠，搞到個人無晒胃口。哩啲時候 Quo-Quo 最想食酸嘢，但要顧及 E 先生同明珠小姐嘅口味，甜酸菜式大家都鍾意。中式牛柳絲，酸酸甜甜，開胃、醒胃、又好味!

如果有埋青、紅椒，個餸會靚啲囉。

羅漢果菜乾湯

哩排好多人都患上感冒，Quo-Quo 啲咳就咳極都未清。據 Quo-Quo 了解，如果咳嗽氣喘、痰少而黏、發熱口渴、咽喉乾燥屬風熱。可用羅漢果配白菜乾、無花果煲湯，清肺止咳。希望飲咗會好啦!

物價上漲?!?!

Quo-Quo 去完旅行返嚟，發覺自己肥咗好多! 更係啦，淨係食玩瞓，唔做運動，實肥啦! 所以今朝食完早餐，睇埋報紙，就去 gym。出身汗，感覺良好。

之後諗住閒逛完商場就返屋企，點知晌 Muji 買到嘢!

Caramel Popcorn (HK$12)

做完 gym 又買嘢食，肥死!

김치 Kimchi 泡菜

" 韓式泡菜卡路里含量低，富含纖維素、維生素 A、B、C 並含有一種對人體有益的乳桿益生菌，被美國時代華納《健康雜誌》評為世界 5 大最健康食品之一。在初冬將整棵大白菜豎著對剖為兩半，或者不剖，把自製的辣醬混合蒜、乾蔥頭、洋蔥、辣椒、草菇乾、辣椒乾、梨磨粹及蘿蔔、蘿蔔條絲等配料，再加上魚露、搗碎了的蝦及其他海產，均勻地塗抹在每片大白菜上面，然後層層疊好放入甕缸裡貯存就可以了。" -- Wikipedia

聲明: Quo-Quo 哩個泡菜係簡易版並唔正宗，只為求方便、簡單同啱 E 先生口味。

XO 醬肉鬆炒豆角

Quo-Quo 嘅奶奶整嘅 XO 醬，足料、惹味，又唔太辣。Quo-Quo 只能接受小辣，所以奶奶帶兩樽返嚟香港已經夠我哋食成年。唔似得 E 先生一家咁食得辣 (奶奶除外)。每兩星期就食一樽，奶奶每兩、三個月就要煮一次。(好可憐! 做 XO 醬要切好多材料㗎! 但又無分食喎。)

天氣潮濕，無乜胃口，想食 d 惹味嘅嘢。哩個 XO 醬肉鬆炒豆角啱晒!

Bacon, Ground Meat & Cauliflower Gratin 白汁煙肉肉鬆焗椰菜花

(晌超市，Quo-Quo 將一個椰菜花放入車。)

E 先生: 你個椰菜花諗住點整呀?
Quo-Quo: 未知呀，我真係唔係好識煮椰菜花。只係用o黎做西餐配菜或煮椰菜花忌廉湯。未試過用o黎煮中餐，因為都唔知配乜好。
E 先生:  椰菜花個味咁淡，配 d 濃味o既o野咪得囉。
Quo-Quo:  (心諗)  o車!  講完等於無講。

好!  我上網睇o下可以點整。hmm… 多數都係 cauliflower gratin 喎，得菜無肉o既?  我咁懶，唔想整多個肉喎…   嘻嘻… 加埋 d 肉落去!  哈哈!  (真夠懶)

Quo-Quo:  o拿!  今次整 gratin，已經係新o野o黎o架喇!

英國自駕遊 - 後記

終於完成亦寫完今次「英國自駕遊」o既遊記喇。

- 行程 -

我o地今次只係跟o左 85% o既行程，同之前 plan o既有少少出入。

Day 0 -- HKG -> DXB -> LHR

Day 1& 2 -- London

Day 3 - 6 -- Reading (E 先生開會地點)

Day 7 - 9 -- 租車經 Oxford 去 Liverpool 住 3 晚 & 其間去 Manchester

Day 10 -- 經 Birmingham 去 Bristol 住 1 晚

* 無正式停 Birmingham，一來晏o左離開 Liverpool，二來唔想入黑先到 Bristol，三來 Birmingham 超凍!

Day 11 & 12 -- 經 Bath & Stonehenge 去 Portsmouth 住 2 晚

* 無住 Portsmouth，因為o個到 d serviced apartments 唔知係唔係臨近復活節，唔做兩日o既短期客。而哩間 Marriott 比 Portsmouth 間 Holiday Inn Express 較平，E 先生亦係 Marriott o既會員。

Day 13 -- LHR -> DXB

Day 14 -- DXB -> HKG

Meon Valley -> Paulton's Park -> Windsor -> LHR - Day 13

開心o既時候過得特別快，今日係最後一日啦。

前一晚已經執o左大半行李 (要將 d 戰利品入o急嘛)，今朝只係收拾埋 d 手尾同少少日用品就可以起行。我o地搭夜機，所以仲有成日時間。本來除o左去 Windsor Castle 外都唔知去邊到好，但係無喇喇比我o地發現附近有個 Paulton's Family Theme Park 裡面有個 Peppa Pig World! 其實 Quo-Quo 同 E 先生都唔 '好' 機動遊戲，不過明珠小姐o黎到英國之後迷上o左哩隻豬，每朝都要睇佢個卡通，仲成日提住。還掂都無地方去，就比個 surprise 明珠小姐啦。

Gunwharf Quays Outlet, Portsmouth - Day 12

終於講到喇，shopping time!!!

哩個 Gunwharf Quays Outlet 唔算大，但一般 outlet 有o既牌子都有，如 Ralph Lauren、Paul Smith、Nike、Adidas、Gap、Guess… 價錢比起正價當然差一截，不過同大減價時比就差距不大。就連 Le Creuset 都唔例外，原來只係香港賣得比較貴。