生蠔 & 青口

Quo-Quo 上個星期睇電視見到人哋食蠔，挑起咗條筋，日日都同 E 先生講話想食蠔。到大約 5-6 日後 E 先生開始覺得煩 (E 先生 EQ 都算高，咁多日先頂 Quo-Quo 唔順。畀著係 Quo-Quo，第三日就鬧咗 E 先生喇! )。 終於問咗佢同事上次去佢屋企食蠔，晌邊間店買。之後畀咗個 website Quo-Quo，叫 Quo-Quo 自己揀食乜。

Quo-Quo 就揀咗:

法國 White Pearl x 4

法國Gillardeau x 4

美國Kumamoto x 4

澳州 Live Mussels x 1kg

開蠔刀 x 1 把

哩間店專門賣生蠔、刺身、海產，買滿 HK$300 免費送貨。Quo-Quo 就揀 08:00 - 13:00 嘅時段，可以有多啲時間去處理啲青口先。點知一路等到 12:50 都仲未有人打電話嚟確定有人收貨。Quo-Quo 就打電話去哩間店問吓係漏單定係改咗送貨時段。個 staff 就話今朝出咗貨，佢會打去速遞公司 check 吓係咩事。隔咗大概 20 分鐘，速遞公司就打返嚟話佢哋漏咗單，要 15:00 先可以送到。咁 Quo-Quo 都無咩所為，又唔係趕住要即刻食，咪叫佢 15:00 先送嚟囉。到咗 15:05，間海產店個 staff 就打嚟睇吓啲貨到未。當佢知道啲貨仲未到，就再幫手跟進。大約 15:20 速遞員就到喇，Quo-Quo 一開門佢就道歉，話今朝佢漏咗單。Okay，無問題，即刻簽收同畀錢。15:25 間店個 staff 又打嚟跟進，仲話好抱歉今次個送貨時間差距咁大，佢哋公司下次會送返客希靈魚刺身畀我哋，同會向速遞公司投訴喎。Quo-Quo 就話，其實都唔算大不滿，佢同埋個速遞員都道咗歉囉，又唔係啲咩大錯，只係遲咗兩個鐘，無謂投訴人啦。

哩間店啲嘢都幾新鮮，價錢又 ok，都會有下次。但 Quo-Quo 都會好似今次咁，揀早啲送貨，just in case。

(from top) Gillardeau / Kumamoto / White Pearl

青口用咗嚟煮白酒煮青口。

E 先生話今日唔飲白酒，想飲啤酒喎。(怪!)