粉葛赤小豆薏米湯

返o左o黎將近一個星期，就落足一個星期雨。明珠小姐成日無o黎精神，E 先生同我就肩頸膞痛，都係因為濕重o既緣故。都係時候煲返煲「粉葛赤小豆薏米湯」o黎袪濕，同舒緩肩頸肌肉。

數量	材料	製法
1 個 1 兩 3 粒 1 塊	粉葛 赤小豆、薏米、扁豆 蜜棗 陳皮	粉葛去皮、切件。 陳皮浸軟、刮去白色部分。 其餘材料浸洗乾淨。
1 磅	豬骨	豬骨出水。
		將全部材料放入煲內。 用 12 碗水煮約 3 小時，成 5-6 碗湯即成。

註:

• 粉葛可袪「骨火」、舒緩肩頸肌肉疼痛; 含粗纖維，有助清理腸胃，對皮膚濕疹亦有幫助。

• 配赤小豆、扁豆，可健脾袪濕。而薏米除可健脾、清熱、袪風利濕，還可止皮膚痕癢、舒緩肌肉緊張。