中式牛柳絲

最憎 '黃梅天' 㗎嗱!  濕濕笠笠，搞到個人無晒胃口。哩啲時候 Quo-Quo 最想食酸嘢，但要顧及 E 先生同明珠小姐嘅口味，甜酸菜式大家都鍾意。中式牛柳絲，酸酸甜甜，開胃、醒胃、又好味!

如果有埋青、紅椒，個餸會靚啲囉。

數量	材料	製法
300g 2 茶匙 1 茶匙 1/2 茶匙	牛柳 生抽 生粉、油、水 糖、酒	牛柳洗凈後切絲。撈勻調味料醃肉 20 分鐘。 用大火，鑊中落油將牛柳絲快炒至 5 成熟，兜起備用。
1 個	洋蔥	洋蔥切絲。鑊中落油將洋蔥炒軟。
2 湯匙 2 茶匙 1/3 杯　　 1 茶匙　 少許	茄汁 喼汁 上湯　 生粉、糖 麻油	撈勻所有調味料，倒進鑊中。煮滾後，放回牛柳絲兜勻，汁收乾少許便成。

仲有上湯浸莧菜。