XO 醬肉鬆炒豆角

Quo-Quo 嘅奶奶整嘅 XO 醬，足料、惹味，又唔太辣。Quo-Quo 只能接受小辣 ，所以奶奶帶兩樽返嚟香港已經夠我哋食成年。唔似得 E 先生一家咁食得辣 (奶奶除外)。每兩星期就食一樽，奶奶每兩、三個月就要煮一次。(好可憐!  做 XO 醬要切好多材料㗎!  但又無分食喎。)

天氣潮濕，無乜胃口，想食 d 惹味嘅嘢。哩個 XO 醬肉鬆炒豆角啱晒!

數量	材料	製法
400g 隨量	豆角 芫茜、蔥 (不喜歡可以不用。)	洗淨、切粒。 芫茜、蔥，洗淨、切碎。
150g 1 茶匙 少許	免治豬肉 魚露 糖、胡椒粉、水	撈勻調味料醃肉。
2 茶匙 1 茶匙	XO 醬、蠔油 蒜蓉	鑊中落油，將豆角炒至軟身，兜起備用。鑊中落 XO 醬、蒜蓉炒香，落免治豬肉炒至熟透。豆角回鑊，落蠔油炒勻，試味。最後落芫茜、蔥兜勻後上碟。